←

→

         'અરવિંદભાઈ મણીઆર જનકલ્યાણ ટ્રસ્ટ' દ્વારા સંચાલિત અને લિમ્કા બૂક ઓફ વર્લ્ડ રેકોર્ડ્ઝમાં સ્થાન પ્રાપ્ત કરનાર રાજકોટનું રોટરી ડોલ્સ મ્યુઝિયમ ગુજરાતના ગૌરવ સમાન છે. સમગ્ર ભારતમાં આ પ્રકારના ફક્ત બે જ મ્યુઝિયમ છે, તે પૈકી એક દિલ્હી અને બીજું રાજકોટમાં છે. આંતરરાષ્ટ્રીય કક્ષાના આ ડોલ્સ મ્યુઝિયમનો શુભારંભ તા.૨૪.૦૭.૨૦૦૪ ના દિવસે ભારતના ભૂતપૂર્વ નાયબ વડાપ્રધાન મા. શ્રી એલ. કે. અડવાણીજીના હસ્તે થયો હતો.

         રોટરી ક્લબ ઓફ રાજકોટ મિડટાઉન, રાજકોટ નાગરિક સહકારી બેંક લિ. અને 'અરવિંદભાઈ મણીઆર જનકલ્યાણ ટ્રસ્ટ'ના સંયુક્ત સાહસરૂપે રોટરી ડોલ્સ મ્યુઝિયમ સાકાર બન્યું છે. રોટરી ક્લબના અગ્રણી શ્રી દિપકભાઇ અગ્રવાલના મનમાં રાજકોટ ખાતે ડોલ્સ મ્યુઝિયમ હોવું જોઈએ તેવો વિચાર ઇ.સ. ૨૦૦૧ ના વર્ષમાં આવ્યો હતો. સ્વપ્નને સાકાર કરવામાં અડચણો આવે. પરંતુ આયોજકોએ તેનો સફળતાપૂર્વક સામનો કર્યો. દેશની ટોચની સહકારી બેંક, રાજકોટ નાગરિક સહકારી બેંક લિમિટેડે ૨૦૦૪ માં તેની સુવર્ણજયંતીના ભાગરૂપે ઉપરોક્ત બે સંસ્થાઓના સહયોગથી ડોલ્સ મ્યુઝિયમનું નિર્માણ કર્યું.

         મ્યુઝીયમનો ઉદ્દેશ ફક્ત મનોરંજન પૂરું પાડવાનો નથી. વિશ્વના વિવિધ દેશોમાંથી ઢીંગલીઓ એકત્રિત કરવામાં આવી છે. તેને આબેહુબ પોશાક, રહેણીકરણી, જીવનશૈલીની રીતે ગોઠવાઈ છે. આથી દર્શકોને ગમ્મતની સાથે જ્ઞાન મળે છે. નવ હજાર ચોરસ ફૂટ જગ્યામાં મ્યુઝિયમ ફેલાયું છે. વિશ્વના ૧૦૨ દેશોની ૧૬૦૦ કરતાં વધારે ઢીંગલીઓ અહીં પ્રદર્શિત થઇ છે. ઢીંગલીઓ એકત્ર કરવા માટે ૧૬૬ દેશોમાં અંદાજે ૭૫ હજાર એ-મેઈલ કરવામાં આવ્યા હતા. ડોલ્સ મ્યુઝિયમ ઢીંગલીઓનો ફક્ત સમૂહ નથી, બલ્કે માહિતીનો ખજાનો છે.

         ડોલ્સ મ્યુઝિયમની ઢીંગલીઓના નિર્માણમાં પણ ભારોભાર વૈવિધ્ય રહેલું છે. જુદા જુદા અનેક પ્રકારના મટીરીયલનો ઉપયોગ કરીને મનમોહક ઢીંગલીઓનું નિર્માણ કરાયું છે. કરન્સી, મકાઈના ડોડાની છાલ, લાકડું, રૂ, ચીનાઈ માટી, લોખંડ, કાચ વગેરે વિવિધ પ્રકારના મટીરીયલમાંથી બનેલી ઢીંગલીઓનું અલાયદું વિશ્વ છે. મ્યુઝિયમમાં આધુનિક ટેકનોલોજીનો પણ ભરપુર પ્રમાણમાં ઉપયોગ કરવામાં આવ્યો છે. મુલાકાતીઓ જાતે જ માહિતી મેળવી શકે તે હેતુથી આઠ ટચ સ્ક્રીન ઇન્ફોર્મેશન કિઓસ્ક ઢીંગલીઘરમાં મુકાયા છે.

કોન્ટેક્ટ ડીટેઈલ્સ
Ph. ૦૨૮૧ ૨૪૬૪૩૫૨
ઈ-મેઈલ : amjktrust@gmail.com

←

→

          શ્રી અરવિંદભાઈનો જન્મદિવસ, તા. પાંચમી ઓક્ટોબરના દિવસે ટ્રસ્ટ તરફથી ભક્તિસંગીત અથવા દેશભક્તિના ગીતોનો કાર્યક્રમ યોજાય છે. ૧૯૮૪થી આરંભાયેલી ભાવાંજલિની આ શૃંખલામાં અત્યારસુધીમાં નામાંકિત કલાકારો અને સંસ્થાઓ રાજકોટને અંગણે પોતાની કલા શ્રોતાઓ સમક્ષ રજૂ કરી ચૂક્યા છે. કાર્યક્રમોની યાદી ઉપર નજર નાખવાથી ક્લાસમૃદ્ધિનો ખ્યાલ આવશે...

સ્વરાંજલિ કાર્યક્રમમાં સંમાનીત થયેલ વ્યક્તિઓ :-

૨૦૧૧ ની સાલમાં :-

૨૦૧૨ ની સાલમાં :-

૨૦૧૩ ની સાલમાં :-

૨૦૧૪ ની સાલમાં :-

૨૦૧૫ ની સાલમાં :-

૨૦૧૬ ની સાલમાં :-

૨૦૧૭ ની સાલમાં :-

૨૦૧૮ ની સાલમાં :-

૨૦૧૯ ની સાલમાં :-

૨૦૨૦ ની સાલમાં :-

૨૦૨૨ ની સાલમાં :-

←

→

         મા. ડો. પી. વી. દોશી 'પપ્પાજી' રાષ્ટ્રીય સ્વયં સેવક સંઘના પ્રાંત સંઘચાલક હતાં. તેમના જન્મ દિવસ ૨૫ જૂનના રોજ તેમની જન્મજયંતી ઉજવવાનું નક્કી થયું. ડો. પી. વી. દોશીસાહેબ પપ્પાજીના હુલામણા નામથી આપણા ગુજરાતમાં પ્રખ્યાત છે. 'પપ્પાજી'ને પ્રિય શું હતું તેનો વિચાર મુકવામાં આવ્યો અને પરિણામે એક પ્રોજેક્ટ બન્યો જેને નામ આપ્યું “ સ્નેહ સ્પર્શ”. આજે પણ જેમનો હસ્ત માથા ઉપર ફર્યો છે તેવા પપ્પાજીના સ્નેહ સ્પર્શને તેમની આસપાસના તમામ લોકો યાદ કરે છે. આ એક એવો કાર્યક્રમ છે જેમાં બહેરા, મુંગા, અંધ અને માનસિક દિવ્યાંગ બાળકો તાલબદ્ધ નૃત્ય અને અન્ય કાર્યક્રમો રજુ કરે છે.

         આ એક એવો પ્રયોગ છે જે ગુજરાતમાં ક્યાંય નથી થતો. દર વર્ષે યોજાતા આ કાર્યક્રમમાં ૧૭૫ થી ૨૦૦ બાળકોને રજુ કરવાનું શ્રેય શરદભાઈ વોરાને જાય છે. બહેરા મુંગા શાળા, અંધ વિદ્યાલય, સ્નેહ નિર્ઝર, નવશક્તિ વિદ્યાલય એવી અનેક શાળાઓ ભાગ લે છે. દરેક બાળકોને પ્રોત્સાહન સ્વરૂપે ઇનામ આપવામાં આવે છે. આંખમાં સંવેદનાના પૂર ધસી આવે તેવો આ કાર્યક્રમ કોઈ પણ મનોરંજન કાર્યક્રમને ઝાંખો પાડી દે તેવો હોય છે. ડો. પી. વી. દોશીસાહેબ 'પપ્પાજી' અરવિંદભાઈ મણીઆર જનકલ્યાણ ટ્રસ્ટના સ્થાપક ચેરમેન હતા તેમની યાદમાં આ કાર્યક્રમ છે. આ કાર્યક્રમનું બહેરા મૂંગા બાળકો દ્વારા રજુ થયેલ વંદેમાતરમ્ નૃત્ય ગીત રાષ્ટ્રીય ઇનામ લઇ આવ્યું.

←

→

         ઇ.સ. ૧૯૯૩ માં અરવિંદભાઈની ૬૦ મી જન્મજ્યંતી અને અરવિંદભાઈ મણીઆર જનકલ્યાણ ટ્રસ્ટના દશાબ્દી વર્ષની ઉજવણી સેવાકીય કાર્યક્રમો થકી, દસ દિવસ સુધી કરવામાં આવી હતી. રાજકોટની સંસ્થાઓ, કંપનીઓ અને વ્યક્તિઓ થકી ‘શ્રીમદ્ ભગવદ્ ગીતા'ના શ્લોકો દ્વારા ભાવાંજલીઓ આપવામાં આવેલી, તે નોંધવા યોગ્ય ગણાશે :

←

→

         'નરસિંહ સે ગાંધી તક' એક એવી સંગીત યાત્રા જેમાં ગુજરાત ની વિવધ જગ્યાએ તા. 02 - 10 - 2021 થી લઈને તા. 06 - 10 - 2021 સુધી એક સ્નેહ સંગીત યાત્રા રાખવામાં આવી. જેમાં પ્રથમ દિવસે ગાંધી આશ્રમ, અમદાવાદ પછી ભાવનગર, અમરેલી, જુનાગઢ અને આખરે હેમુ ગઢવી હોલ, રાજકોટમાં આંતરરાષ્ટ્રીય ખ્યાતિ પ્રાપ્ત કરનાર કાશ્મીરી સૂફી લોકગાયક ગુલઝાર એહમદ ગનીના અવાજમાં વિશેષ પ્રસ્તુતિ રાખેલ. આ કાર્યક્રમના મુખ્ય સંયોજક વિશ્વગ્રામ, ઉત્કર્ષ હેહ્કારે ફાઉન્ડેશન ઇન્ડિયા, નવજીવન ટ્રસ્ટ, યજ્ઞ પ્રકાશન અને રાજકોટમાં સાથી સંસ્થા અરવિંદભાઈ મણીઆર જનકલ્યાણ ટ્રસ્ટ. કાર્યક્રમમાં નરસિંહ અને ગાંધી ના ભજન “વૈશ્નવજન....” ની પહેલી વખત કાશ્મીરી ભાષામાં પ્રસ્તુતિ. તે સિવાય કાશ્મીરી અને બોડો ભાષામાં ગાંધીજીની આત્મકથાનું વિમોચન અને “મોહબ્બત કા પૈગામ" ( વિનોબાજીએ કાશ્મીરની ૮૦ દિવસની પદયાત્રા દરમ્યાન લોકો સાથે કરેલ સંવાદ ) પુખ્તના ગુજરાતી અનુવાદ "મોહબ્બત કા પૈગામ” નું વિમોચન. આ કાર્યક્રમ ના મુખ્ય સંયોજક વિશ્વગ્રામ, ઉત્કર્ષ હેલ્થ્કારે ફાઉન્ડેશન ઇન્ડિયા, નવજીવન ટ્રસ્ટ, યજ્ઞ પ્રકાશન અને રાજકોટમાં સાથી સંસ્થા શ્રી અરવિંદભાઈ મણીઆર જનકલ્યાણ ટ્રસ્ટ. કાર્યક્રમમાં નરસિંહ અને ગાંધી ના ભજન “વૈશ્નવજન....” ની પહેલી વખત કાશ્મીરી ભાષામાં પ્રસ્તુતિ. તે સિવાય કાશ્મીરી અને બોડો ભાષામાં ગાંધીજી ની આત્મકથાનું વિમોચન અને “ मोहब्बत का पैगाम “ ( વિનોબાજીએ કશ્મીરની ૮૦ દિવસની પદયાત્રા દરમ્યાન લોકો સાથે કરેલ સંવાદ ) પુસ્ક્તના ગુજરાતી અનુવાદ “ મોહબ્બત કા પૈગામ” નું વિમોચન.